Highlights of Budget 2021 மத்திய பட்ஜெட் 2021 in tamil

மத்திய பட்ஜெட் 2021

• கொரோனா தடுப்பூசி வழங்குவதற்கு 35000 கோடி ரூபாய் இந்த நிதியாண்டில் ஒதுக்கப்படுகிறது.

• பசுமை எரிசக்தித் திட்டத்தை அறிமுகப்படுத்தும் வகையில், ஹைட்ரஜன் எரிபொருள் திட்டம் ஒன்று நடப்பாண்டில் நடைமுறைப்படுத்தப்படும்.

• கணினி துறையில் புதிய முன்னேற்றங்களான டேட்டா அனலிட்டிக்ஸ், செயற்கை நுண்ணறிவு, இயந்திரவழி கற்றல் ஆகியவற்றுக்கு முக்கியத்துவம் அளிக்கப்பட்டுள்ளது.

விவசாயம்

• வேளாண் உற்பத்திப் பொருட்களுக்கான குறைந்தபட்ச ஆதரவு விலை ஒன்றரை மடங்கு அளவுக்கு உயர்த்தப்பட்டுள்ளது. அதேபோல கொள்முதலும் கணிசமாக உயர்த்தப்பட்டுள்ளது.

• வரும் நிதியாண்டில் விவசாயிகளுக்கு 16.5 லட்சம் கோடி ரூபாய் கடனாக வழங்க நிர்ணயம் செய்யப்பட்டுள்ளது. கால்நடை வளர்ப்பு, பால்வளம் மற்றும் மீன்வளம் ஆகிய துறைகளுக்கும் கூடுதல் கடன் வசதி வழங்க முடிவு.

• வேளாண் பொருட்களை சந்தைப்படுத்தும் இ-நாம் திட்டத்தில் 1.68 லட்சம் கோடி பேர் பதிவு செய்து கொண்டுள்ளனர். இ-நாம் திட்டத்தின் கீழ் இணையவழியாக மேலும் 1,000 மண்டிகள் இணைக்கப்படுகின்றன

பெட்ரோல் மற்றும் டீசல்

• வேளாண் உள்கட்டமைப்பு மற்றும் மேம்பாட்டுக்காக பெட்ரோல் மற்றும் டீசலுக்கு முறையே ரூ .2.5 மற்றும் லிட்டருக்கு ரூ .4 வரி விதிக்கப்பட்டுள்ளது

வருமான வரி

• 75 வயதுக்கு மேற்பட்ட முதியோருக்கு வருமான வரி அறிக்கையை தாக்கல் செய்வதில் இருந்து விலக்கு

• 2014-ல் 3.31 கோடியாக இருந்த வருமானவரி ரிட்டர்ன் செலுத்துவோர் எண்ணிக்கை 2020ல் 6.48 கோடியாக அதிகரிப்பு.

தொழில்

• சிறு, குறு, நடுத்தரத் தொழில்கள் முன்னேற்றத்துக்கு ரூ.15,700 கோடி ஒதுக்கீடு.

• அனைத்து விதமான தொழிலாளர்களுக்கும் குறைந்தபட்ச ஊதிய நிர்ணயம் செய்யப்படவுள்ளது.

போக்குவரத்து

• மதுரை-கொல்லம், சித்தூர்-தச்சூர் வழித்தடங்களில் 3,500 கிமீ தொலைவுக்கான தேசிய நெடுஞ்சாலைகள் அமைக்கும் பணி 1.03 லட்சம் கோடி ரூபாய் செலவில் அடுத்த ஆண்டு தொடங்கவுள்ளது

• பொது பேருந்து போக்குவரத்தை மேம்படுத்த 18 ஆயிரம் கோடி ரூபாயில் புதிய திட்டம் அறிமுகம்.

• 63,246 கோடி ரூபாய் செலவில் சென்னை மெட்ரோ ரயிலின் 2 ஆம் கட்ட திட்டம் 118.9 கிமீ தொலைவுக்கு அமைக்கப்படும்.

• ரயில்வே துறைக்கு ரூ.1,10,055 கோடி ஒதுக்கீடு.

• வர்த்தகரீதியில் பயன்படுத்தப்படும் வாகனங்கள் 15 ஆண்டுகளுக்கு மேல் ஆகியிருந்தால், அதற்கு தகுதிச்சான்று பெற வேண்டும் , தனிநபர் வாகனங்கள் 20 ஆண்டுகளுக்கு மேல் பழமையாக இருந்தால் அதற்கு தகுதிச்சான்று பெற வேண்டும்.

கல்வி

• 100 புதிய சைனிக் பள்ளிகள் தொடங்கப்படவுள்ளன.

• மலைவாழ் மக்கள் வசிக்கும் பகுதிகளில் 750 புதிய ஏகலைவா பள்ளிகள்.

இறக்குமதி

• வேளாண் கட்டமைப்பை வலுப்படுத்துவதற்காக இறக்குமதி தங்கம் மற்றும் வெள்ளி மீது 2.5 சதவீதம் வரி, இறக்குமதி ஆப்பிள் மீது 35 சதவீதம் வரி.

• இறக்குமதி செய்யப்படும் கபுலி சென்னா மீது 30 சதவீதம் வரி, பருப்பு மீது 10 சதவீதம் வரி, பெங்கால் பருப்பு மீது 20 சதவீதம் வரி, பருத்தி மீது 5 சதவீதம் வரி வேளாண் கட்டமைப்புக்காக விதிப்பு.

மற்றவை

• 10 லட்சம் மக்களுக்கு மேல் வசிக்கும் 42 பெருநகரங்களில் காற்று மாசைக் குறைக்க ரூ.2,217 கோடி ஒதுக்கீடு.

• அடுத்த 5 ஆண்டுகளுக்குச் சுத்தமான குடிநீர் வழங்கும் ஜல் ஜீவன் திட்டத்துக்காக ரூ.2.87 லட்சம் ஒதுக்கீடு. மேலும் இத்திட்டம் நகர்ப்புறங்களிலும் நீட்டிக்கப்படும்.

• சுகாதாரத்துறைக்கு கடந்த ஆண்டைக் காட்டிலும் அதிகமாக 2,23,846 கோடி ரூபாய் ஒதுக்கீடு செய்யப்பட்டுள்ளது.

• ஜவுளித்துறையில் நவீன கட்டமைப்புகளை உருவாக்க மித்ரா என்ற திட்டம் அறிமுகம்.

• 8 கோடி குடும்பங்களுக்கு உஜ்வாலா திட்டத்தினால் சமையல் எரிவாயு வழங்கப்பட்டுள்ளது. அடுத்த 3 ஆண்டுகளுக்குள் மேலும் 100 நகரங்களில் இந்தத் திட்டம் விரிவுபடுத்தப்படும். ஜம்மு காஷ்மீரில் குழாய் வழியாக சமையல் எரிவாயு வழங்கும் திட்டம் அறிமுகப்படுத்தப்படவுள்ளது.

• அடுத்த நிதியாண்டில் அரசு நிறுவனங்களின் பங்குகளை விற்பனை செய்வதன் மூலம் ரூ.1.75 லட்சம் கோடி திரட்ட முடிவு.

• டிஜிட்டல் முறையில் நடக்கும் மக்கள்தொகை கணக்கெடுப்புக்கு ரூ.3,768 கோடி ஒதுக்கீடு.

• கிராமப்புற அடிப்படை வசதிகளை மேம்படுத்த ரூ.40 ஆயிரம் கோடி ஒதுக்கப்பட்டுள்ளது